الحالة: خدر... وحسب!
ـــــــــــــــــــــــــــــــــــــــــــــــــــــــــــــــــــــــــــــــ
أحداث،متفرقات:
اليوم حافل بحفلات التخرج،الكل يشعر بحياء ما... لم أر مثل هذا التضامن في حياتي،ولم أتوقع أن أراه!
المنظر مليء بالحطّات البيضاء(الكوفية)... الكوفية تطلب على الهواتف...
ـــــــــــــــــــــــــــــــــــــــــــــــــــــــــــــــــــــــــــــــ
في أحد المقاهي،اعتدنا رؤية قناة "ميلودي"،متحدي الملل الأوّل،ولكن هذه المرة،في المقهى نفسه: قناة الجزيرة،بخبر عاجل: صواريخ غراد على بئر السبع جنوب إسرائيل...
ـــــــــــــــــــــــــــــــــــــــــــــــــــــــــــــــــــــــــــــــ
خرّيج بعدما أنهى المناقشة: - احنا حلينا مشكلة ال rake receiver،بس فيه مشكلة أعوص وبدها حل،مشكلة غزة.... تصفيق شديد... الفاتحة على أرواح الشهداء....
ـــــــــــــــــــــــــــــــــــــــــــــــــــــــــــــــــــــــــــــــ
خرّيج آخر في بداية المناقشة: عذرا غزة....
الحفلات والرقص،المعظم كان يلبس على أكتافه الكوفية البيضاء،اختلط الهزّ الشرقي مع الأغاني الشعبية وبحبك يا حمار،والأغاني الفلسطينية،والدبكات... يبدو واضحا أن الكل كان يشعر بذنب ما، بس شو بدنا نسوي،بدنا نفرح...
ـــــــــــــــــــــــــــــــــــــــــــــــــــــــــــــــــــــــــــــــ
أحدهم: والله يا زلمة طول مبارح وأنا بتطلّع عالأخبار،اشي بيخزي...ومن ثمّ نظرة لا يمكن وصفها إلا بالغريبة...
هدوء...ونظرات إلى الأرض...
ـــــــــــــــــــــــــــــــــــــــــــــــــــــــــــــــــــــــــــــــ
إحداهنّ: أنا اتفرجت على أخبار في الفترة هاي عن عمري كلّه... مش عارفة أسوّي اشي...
ـــــــــــــــــــــــــــــــــــــــــــــــــــــــــــــــــــــــــــــــ
أحدهم: إيش يا؟ متضامن؟(يقصد بهذا الكوفية على الأكتاف) ثم يعاود مازحا: يا زلمة كنت بدي ألبس العلم الإسرائيلي اليوم....
ضحكات متتالية...
إجابة: اسمع بس تجيب علم جيبلي معك واحد بلبسو أنا واياك...
يقول: ولك ما انا معلق العلم الإسرائيلي عندي بالدّار،بجبلك واحد...
ضحكات...
خدر....
ـــــــــــــــــــــــــــــــــــــــــــــــــــــــــــــــــــــــــــــــ
أحدهم واصفا الوضع: فكرك انهم رح يغلبوا إسرائيل ؟؟ ثم يضيف : بس خلّيهم بعصة في *** إسرائيل،مش قادرين عليهم،الله ينصرهم!
خدر...
ـــــــــــــــــــــــــــــــــــــــــــــــــــــــــــــــــــــــــــــــ
سؤال: فكرك إسرائيل بتفوت على غزة بريّا وبتحتلها...
إجابة: لا يا حبيبي،زمن الاحتلالات ولّى...
ـــــــــــــــــــــــــــــــــــــــــــــــــــــــــــــــــــــــــــــــ
أحدهم:بتعرف انو الناس زاد إيمانها هناك،همة بيحاربوا بإيمانهم قبل كل اشي...
هدوء...
ـــــــــــــــــــــــــــــــــــــــــــــــــــــــــــــــــــــــــــــــ
إحداهنّ: بتعرف حسيت انو الناس بلّشت تكفّر من الوضع اللي بيصير!
سؤال: كيف؟؟
إحداهنّ: اليوم سمعت من الناس انو الله مش قادر ينصرهم يعني؟!
جواب: أستغفر الله العظيم،كلو من القهر،الله ينصرهم....
ـــــــــــــــــــــــــــــــــــــــــــــــــــــــــــــــــــــــــــــــ
أحدهم على الهاتف: شو وينكو؟؟
إجابة:احنا بالملتقى...
أحدهم على الهاتف: ايييه،رايحين على ملتقى غزة؟؟
إجابة: لا يا زلمة مقهى الملتقى،أعوذ بالله شو ملتقى غزة ما غزة...
ضحكات...
خدر...
ـــــــــــــــــــــــــــــــــــــــــــــــــــــــــــــــــــــــــــــــ
أحدهم: اسمع عليّ،اللي بيحكي حماس وفتح هسا بدي *****!
ثم يضيف: كلنا مع المقاومة،وضد الخيانة،وكلنا مع غزة!
ضحكات...
خدر...
ـــــــــــــــــــــــــــــــــــــــــــــــــــــــــــــــــــــــــــــــ
شعور مشترك: عند ظهور مبارك على التلفزيون: تفوووووووووو!
يكفي لهذا اليوم!
ملاحظة: كل الأحداث والمقولات صحيحة وحدثت فعلا مع ناس عنجديين...
هناك ٣ تعليقات:
el7amadullah 3la kol 7al o el7amdullah 3la had ele7sas elwa3e o nadeg shokran l2nk ktabt behad elnodg
دعني أقول //
مسرورة \\ رغم عدم وجود مبرر للسرور\\ مسرورة لاكتشافي هنا
وأنا عرفت الأن أين أنا من هذا كله
دمت مخدراً ;)
إرسال تعليق