مشاهد

تضارب

زلمة جوعان ونعسان ،بيدخل المطبخ الساعة الثالثة فجرا ليبحث عن شيء يأكله.... بتهفّ على نفسو علبة تونا... بيدوّر عليها،وهو بنفس الوقت يتمنى داخل أعماق نفسو انو ما يلاقيها،ومع هيك مش قادر انو يوقّف تدوير،ولمّا لقاها اتدايق،لأنه العملية* طويلة ومملة،وهو زلمة تعبان ومع هيك ما قدر إلا انو يسوي العملية*،وياكلها بالآخر!!

شعور عميق يستحق الدراسة!
العملية*: عملية فتح علبة التونا لأكلها: فتح العلبة ومن ثمة غسل الليمونة وقصّها وعصرها وإضافة زيت الزيتون وتقطيع البصل وتسخين الخبز.

********************

عالفاضي

اتنين دخلوا على مصنع الكوكاكولا عشان يصلحو هالشغلة... مدير المصنع،وصاحب الشركة/الوكالة بلّش يحكيلهم عن أرقام وحقائق عن "المنتج" ،وبعد هيك ضيّفهم كوكاكولا طبعا....
التاني سأل الأول بصوت عالي،وعلى مسمع من صاحب الشركة: "خلصنا شغل هيك؟"
الأول أجابه بكل عفوية: "اه خلصنا.... بس نخلّص "البيبسي" تبعنا بنطلع " !!
فضحك الثاني دون أن يضحك أحد من الموجودين!
********************

احتمال

بعد حديث طويل عن النجاح،وشكوى متبادلة من شخصين لجهلهم لما ستؤول إليه الأمور بعد كم سنة،وبعد حوار وبحث الواقع وما يمكن عمله،وبعد أمل هائل بما يمكن إنجازه...
أحدهم: والله يا خوفي بعد كم سنة نتجوز ونجيب ولاد ونروّح بجريدة وبطيخة!!
ضحكات....
أحدهم الثاني: وبنكون لابسين بدلة سفاري،ومبقع تحت أباطي بقعة عرق،وبجيبة البدلة الكاكي بكيت دخان كريم!
...
...

ا.هـ
** كل الأحداث حقيقية ....(ازا بيهمكو!)